MUQDISHO (DAYNIILE.COM)-Siyaasiga Xildhibaan C/raxmaan C/shukuur Warsame ayaa maanta isaga iyo xildhibaan Shariif Sheekh Axmed Madaxweynihii hore ee soomaaliya waxay shir jaraa’id ku qabteen Magaalada Muqdisho iyagoona si weyn weerarka afka ah ugu qaadeen hogaanka Dowlada Soomaaliya.
Xildhibaanka wuxuu sheegay ugu horeyn in shirkooda uu daaran yahay talaabada ay maanta qaadeen xildhibaanada kaasoo ay ku ansixiyeen gudiga doorashooyinka.
“waxaa ayaan daro ah in xildhibaanadii labada aqal ee maanta jira ay noqdeen kuwa sacbiya oo guulwadeeya, waxayna ka sii liitaan baarlamaankii Dowladii Milatariga ahayd”ayuu yiri Xildhibaan C/raxmaan C/shukuur oo intaasi ku daray in Baarlamaanku xitaa uusan dhameyn 120 islamarkaana 170-ka la iska sheeganayo.
Siyaasigaan oo ka mida mucaaradka Dowlada wuxuu sidoo kale sheegay ujeedka Madaxweyne Xasan uu yahay inuu mudo kororsi sameysto balse uusan dhab ka ahayn doorashada uu sheeganayo ee qo iyo codka ah.
Mar uu ka hadlayay siyaasada Xasan sheekh iyo hal heyska tareenka ayuu xildhibaanku sheegay in tareenka ay iska sugayaan inta uu shidaalka ka dhamaanayo islamarkaana ay laga wada dagayo.
“hada waxaa ka degay, Puntland iyo Jubaland, xildhibaanadu hal hal bay u degayaan inagu mar horaan ka dagnay ,Madaxweyne xasan waxaan sugeynaa inta uu kaligiis ka noqonaayo oo tereenkuna shidaalka ka dhamaanayo”ayuu yiri Xildhibanka
“Dowladii waa macna beeshay,waa qiima beeshay,dalkii xukuumad taya leh kama jirto ,amni waa aragteen oo idnka sheekeyn meyno halka uu marayo,dagaalkii alshabaab meeshuu maraayo la isaga sheekeyn maa,wixii oo dhan waxay ku soo arooreen aniga see ku joogaa oo mudada ku dheereystaa,horanaa taas loo waayay,madaxweynaha inuusan jidka ka lumin ayaa kula talineynaa,aanagana mucaarad hadaa nahay shaqadeena waa inaan Dowlada saxnaa jeegareynaa”ayuu yiri mar kale yiri C/raxmaan C/shukuur.
Siyaasiga wuxuu sharaxada gaara ka bixiyay hadal heynta ka dhalatay doorashada aan waqtigeeda la gaarin.
“Doodda doorashada waxaa indhaha looga dadbayaa beecinta hantida dadwaynaha” ayuu yiri C/raxmaan C/shukuur Warsame
XAFIISKA WARARKA
DAYNIILE.COM
