Kabtanka Manchester United Bruno Fernandes ayaa loo sheegay inuu isaga tago kooxda oo uu ku biiro koox awood u leh inay koobab ku guuleysato.
Fernandes ayaa ku guuleystay Carabao Cup iyo FA Cup tan iyo markii uu United kaga soo biiray Sporting 2020, laakiin Red Devils ayaa weli fogaaneysa inay u tartanto Premier League.
Laacibka seddexda jeer ku guuleystay Premier League Joe Cole ayaa aaminsan in Fernandes uu isaga tago kooxda dhamaadka xilli ciyaareedkan gaar ahaan in 30 jirkan uu wajahay dhaleecayn xoogan.
“Haddii aan ahay Bruno Fernandes, waxaan gabi ahaanba raadin lahaa inaan ka tago Manchester United,” Cole ayaa u sheegay Paddy Power.
“Isagu waa xiddiga ugu horeeya ee mar walba hela dhaleecaynta qof walba”.
“Waxa laga yaabaa in uu habeenkii gurigiisa aado oo uu la yaaban yahay sababta uu qof walba isaga u dhaleeceeyo, waxa jira xiddigo kale oo aan si fiican u ciyaarayn”.
