MUQDISHO (DAYNIILE.COM)-Ciidamada Booliiska Somalia gaar ahaan kuwa Magalada Muqdisho ayaa soo qabtay mid ka mida laba wiil oo dhawaan Masaajidka Cali Jimcaale ku soo duubay fal anshhax xumo ah kadibna baraha bulshada lagu faafiyay.
Booliiska oo ahaa kuwa Saldhiga Degmada Wadajir ayaa garab ka helay qaar ka mida Shacabka Dagmadaasi kadibna waxay gacanta ku soo dhigeen Saabir Cabdi Xasan oo 18 jir ah, kuna eedeysan in uu ku kacay falal anshax-xumo ah, oo liddi ku ah diinteena suuban.
Falka ay ku kaceen Saabir iyo wiil kale oo wali aan la soo qaban ayaa maalmihii ugu dambeeyay si weyn u qabsaday baraha bulshada markii ay muuqal iska duubeen iyagoo xubnahooda taranka is tusaya xili ay asaga soo ku dhex duubeen Masaajidkii Alle ee cibaadada loo tagayay.
Sida ka muuqata sawirka Booliisku soo bandhigeen Saabirka la soo qabtay ayaa saaxiib-kiisa tusaya xubintiisa taranka.
Saabir oo hada xabsiga ku jira ayaa dhawaan intaan la qaban wuxuu ka soo muuqday baraha bulshada isagoo dhahaya waan cabsanayaa booliiska i raadinaya,sidoo kale wuxuu sheegay wixii ay sameeyeen inuu ahaa fal aad u xun balse ay dhalinyaranimada ka tanbadisay.
XAFIISKA WARARKA
DAYNIILE.COM
