Taliyaha Qeybta Guud ee Boliiska Gobolka Banaadir, Macalin Mahdi ayaa maanta shahaadooyin iyo abaal marino kale gudoonsiiyay askar ka tirsan saldhigga boliiska degmada Xamar Jajab oo kaalmo hore ka galay tartan Diini iyo Maadi isugu jiray oo loo qabtay askarta saldhigaasi.
Munaasabad lagu qabtay saldhigga Xamar Jajab oo ay goobjoog ka eheyd taliyaha saldhigaasi G/dhexe Raxmo Salaad Maxamed ayuu taliye Macalin Mahdi ku sheegay in askarta guuleysatay uu Min hal darajo ciidan oo dalacsiin ah uga dalbi doono Taliyaha Ciidanka Boliiska Soomaaliyeed, Sarreeye Guuto Asad Cismaan Cabdullaahi si loogu dhiira galiyo howsha quruxda badan ay la yimaadeen.
Advertisement
