Kooxda Barcelona ayaa iska lumisay fursad ay ku sii dheereysan karay dhibcaha ay ku heysay hogaanka horyaalka La Liga kadib guul-daradii shalay soo gaartay kooxda difaacaneysa horyaalka ee Real-Madrid.
Barcelona oo la ciyaartay Kooxda real-Betis ayaa gashay bar baro 1-1 xili Real-madrina dhamaadka ciyaartii ay la yeelatay Kooxd Valencia loogu shubay goolkii looga badiyay.
Sida warbaahinta Sportis-ku aad u hadal hayaan Kooxda Barcelona ayaa ku fashilantay inay si buuxda uga faa’iidaystaan ​​guuldaradii lama filaanka ahayd ee Real Madrid soo gaartay.
Kooxda Valencia oo ka carareysa horyaalka heerkiisa labaad ayaa shalay galab 2-1 ku garaacday kooxda difaacaneysa horyaalka ee Realmadrid.
Koox kasta oo ka dheeleysa Horyaalka Spain ee La-liga waxaa u hartay Siddeed wareeg ama sideen ciyaar waxaana ku jira kulamadaasi ciyaarta Clasico taasoo ku aadan bisha May.
Tababaraha Real Carlo Ancelotti ayaa qirtay guuldaradii ka soo gaartay kooxda Valencia ka dib in difaaca kooxdiisa uu haatan cadaadis weyn saaran yahay.
Tababaraha reer Talyaani ayaa intaa ku daray in ciyaartoydiisu aysan ka quusan doonin hamigooda La Liga.
XAFIISKA WARARKA CIYAARAHA
DAYNIILE.COM
