KISMAAYO (DAYNIILE.COM)-Madaxweynaha Maamul Goboleedka Soomaaliyeed ee Jubbaland, Axmed Maxamed Islaam (Axmed Madoobe) oo ka hadlayay munaasabada ciidul fidriga ayaa soo dhaweeyay gogosha ay fidisay Dowlada Somalia gaar ahaana Madaxweynaha Somalia ee ku aadan inay wada-hadal la furayaan siyaasiyiinta ka aragtida duwan.
Axmed Madoobe ayaa xusay talaabadaani uu qaaday madaxweyne Xassan looga wada hadli karo si looga gudbo khilaafka ka jira Soomaalida kala aragtida duwan.
Axmed Madoobe wuxuu carabka ku dhuftay in talaabadaani tahay fursad lagu xalin karo xal u helidda caqabadaha ka taagan dalka.
Mar uu soo hadal qaaday dagaalka lagula jiro Alshabab ayuu ugu baaqay guud ahaan dhinacyada siyaasada dalka inay tabartooda isugu geeyaan sidii Alshabaab looga adkaan lahaa.
Dhanka kale Madaxweynaha Maamul Goboleedka Soomaaliyeed ee Jubbaland, Axmed Maxamed Islaam (Axmed Madoobe) oo shacabka Kismaayo kula tukaday Madaxtooyada Jubaland ayaa ugu hambalyeeyay Soomaalida ciidul fidriga.
XAFIISKA WARARKA
DAYNIILE.COM
