GAROWE (DAYNIILE)-Wararka laga helaayo Magaalada Garowe ee Xarunta Maamulka Puntland ayaa sheegaya in xalay fiidkii halkaasi lagu dilay nin dhalinyaro ahaa kaasoo tima-jare ahaa.
Askari reer Puntkand oo tima-jaraha u tagay in tintiisa loo jaro ayaa la soo sheegayaa inuu muran dhanka lacagta ah soo kala dhex-galay isaga iyo tima-jaraha taasoo ugu dambeyn keentay in askarigii toogto wiilka.
Wararku waxay tilmaamayaan in isla goobta xabada lagula dhuftay uu ku dhintay wiilkii tima-jaraha ahaa Rabi ha u naxariistee.
Wararka aan heleyno ma xaqiijin in askariga ay qabteen hay’adaha amaanka iyo inuu baxsaday.
Allaha u naxariistee wiilka la dilay ayaa la sheegay inuu mudo 8 sano ah ka shaqeysanayay Magaalada Garowe balse xalay waqtigiisu intaasi ku ekaa islamarkaana uu ku baxay gacanta askarigaasi reer Puntland.
XAFIISKA WARARKA
DAYNIILE.COM
