GARBAHAAREEY (DAYNIILE.COM)-Kooxda Al-Shabaab ayaa la soo sheegayaa inay dhaqdhaqaaqyo ciidan ka wadaan meel u dhexeysa deegaanada birta dheere iyo dhag-haye oo ah duleedka Magaalada Garbahaareey.
Kooxaha jabhadaha ay u yaqaabaan Alshabaab ayaa la soo sheegayaa inay hada isu diyaarinayaan weeraro ay ku soo qaadaan Gobolka Geddo sida Magaalada Garbahaareey ee xarunta Gobolka ah.
Dhowr gaadiid ayay wataan oo midkoodna ay qaraxyo ku diyaariyeen, waxaa ayaa la sheegay inay diyaarsan yihiin islamarkaana ay doonayaan inay Garbahaareey ku soo weeraraan xili wali ay taagan tahay khilaaka iyo xiisadaha dagaal ee ka dhex aloosan ciidamada Dowlada iyo kuwa Jubaland.
Jabhadaha Alshabaab ayaa qorsheynaya weeraro ay ku qaadaan Garbahaareey halkaasoo ay fariisimo ciidan ku leeyihiin askarta Maamulka iyo kuwa milateriga Dowlada Somalia.
Saraakiisha Dowlada iyo kuwa Maamulka Garbahaareey ayaa laga soo xigtay inay hayaan xogta Alshabaabka soo buux dhaaiyay meel aad ugu dhaw garbahaareey waxayna xuseen inay ka hor tagi doonaan dagaalamayaasha Alshabaab.
XAFIISKA WARARKA
DAYNIILE.COM
