MUQDISHO (DAYNIILE.COM)-Afhayeenka Ciidanka Booliska Soomaaliyeed Gaashaanle C/fitaax Aadan Xasan oo wareysi siiyay TV-ga Qaranka ayaa daboolka ka qaaday in Booliisku ku ekeyn Muqdisho oo kaliya balse ay qeyb ka yihiin dagaalka ka dhanka ah Alshabaab.
“Ciidanka Booliska Soomaaliyeed kuma koobna Muqdisho kaliya ee waxay qeyb ka yihiin howlgalka dalka looga xoreynayo Khawaarijta,” ayuu yiri Afhayeenka Booliiska
Meelaha ay dagaalka uga jiraan mar uu ka hadlaayay wuxuu xusay inay ka howlgalaan furimaha dagaalka ee deegaanada Sabiib iyo Caanoole oo ka tirsan Gobolka Shabeelaha hoose.
“ciiidamada Haramcad oo ka mida Booliiska Soomaaliya ayaa ka dagaalama gobolka Shabeelaha hoose iyo waliba Booliis kale”ayuu yiri Afhayeenka
Dhanka kale Afhayeenka Ciidanka Booliska mar wax laga weydiiyay dhaq dhaqaaqyada Alshabaab ay ka sameynayaan duleedyada Muqdisho ayuu xusay inay tahay rafashadii ugu dambeysay ee kooxdaasi madaama laga hor istaagay falalkii qaraxyada ee ay geysan jireen.
“kaliya arbushaada ay mararka qaar ka sameeyaan duleedyada Xamar waa is muujin kaliya inay nool yihiin laakiin Hay’ada amniga shaqadooda way heystaan oo waxaa xamar la sugaa labada wado ee Afgooye iyo Balcad”ayuu mar kale yiri Afhayeenka
XAFIISKA WARARKA
DAYNIILE.COM
