Ciidamada booliska, gaar ahaan laanta baarista dembiyada (CID) ee gobollada Bay iyo Bakool, ayaa waxaa isu soo dhiibay afar xubnood oo horey uga tirsanaa kooxaha Khawaarijta.
Xubnahani, oo horey uga mid ahaa maleeshiyaadka argagixisada, ayaa sheegay inay go’aansadeen inay ka soo goostaan kooxda kadib markii ay la kulmeen jab xoogan oo ka dhashay howlgallada ka socda dalka, gaar ahaan gobollada Bay, Bakool iyo degaanka Buulo Xaaji oo ka tirsan Jubbooyinka.
Sida ay sheegeen xubnahani, waxay horey uga barbar dagaallamayeen kooxaha Khawaarijta ee ka howlgala gobolladaasi, balse markii ay arkeen culeyska iyo cadaadiska ay kala kulmeen ciidanka xoogga dalka iyo shacabka Soomaaliyeed, ayay go’aansadeen inay ka baxaan kooxdii ay ka tirsanaayeen.
