ADIS-ABABA (DAYNIILE.COM)-Ra’iisul Wasaaraha Itoobiya Abiy Axmed ayaa maanta mar uu la hadlaayay Baarlamaanka dalkiisa wuxuu sheegay ineysan marna shaki galineyn wada-jirka iyo madax banaanida dhuleed ee Soomaaliya.
Wuxuu intaas ku daray inaysan diyaar u ahayn kala-qeybinta dalka Soomaaliyeed.
Sidoo kale mar uu soo hadal qaaday heshiiskii badda ee uu Maamulka Somaliland la galay inuu ujeedkiisu ahaa mid ay si sharci ah ku doonayeen inay ku soo gaaraan Badda Somalia.
“diyaar uma nihin inaan kala qeybino Midnimada Somalia,Baddana waxaan rabnaa inaan ku gaarno sifo sharci ah”ayuu yiri Abiy Axmed
“dhammaan dalalka deriska nala ah waxaan gaarsiinay codsigeena oo ah gaarista Badda si sharci ah mana helin wax jawaab ah, xitaa Waan tuug-tannay taas macnaheeda ma ahan in aan shaki gelinayno midnimada Soomaaliya”.ayuu mar kale yiri Abiy Axmed.
