Home Warkii DAAWO: Xildhibaano maanta loo diiday inay Muqdisho ka aadaan Kismaayo iyo weerar...

DAAWO: Xildhibaano maanta loo diiday inay Muqdisho ka aadaan Kismaayo iyo weerar afka ah oo ay ku qaadeen Madaxweyne Xassan

MUQDISHO (DAYNIILE.COM)-Laba Xildhibaan oo reer Jubaland ah ayaa maanta lagu xanibay garoonka diyaaradaha Adan Abdulle International Airport ee Magaalada Muqdisho xili ay rabeen inay Kismaayo u dhoofaan.

Labada Xildhibaan oo lagu kala magacaabo C/rashiid Jirre Qalinle iyo Cumar Qalad-diid ayaa sida ay cadeeyeen saaka tagay garoonka iyagoo caawa maqribkii isaga soo laabtay markii loo diiday,waxayna qabteen shir jaraa’id.

Xildhibaan C/rashiid Jirre Qalinle iyo Xildhibaan Cumar Qalad-diid waxay weerar afka ah ku qaadeen madaxweynaha Soomaaliya Xassan Sheekh iyagoona ku sifeeyay masuul hore ciil u qabay hadana aargoosanaya.

Sidoo kale Ra’iisulwasaaraha ayay eedeyn u jeediyeen marka la eego xilka uu awood qeysi ahaan ku fadhiyo madaama ay isku qoonda yihiin.

“HSHM isagoo ciil qaba ayuu Madaxweyne noqday wuxuuna go’aansaday xayiraadii shalay isaga lagu sameeyey inuu maanta ku sameeyo qofkii ka aragti duwan”ayuu yiri Xildhibaan Cabdirashiid Jire

Sidoo kale waxay ku eedeeyeen Madaxweynaha inuu ka shaqeynayo kaligii talisnimo balse aysan jirin inuu ka shaqeynayo doorasho qof iyo cod ah.

Xildhibaanada waxay intaasi ku dareen inay beri ku laabanayaan garoonka islamarkaana ay jabinayaan xayiraada saaran reer Jubaland.

haddaba halkaan ka daawo muuqaalka shirka jaraa’id ee labada Xildhibaan ay qabteen:-

XAFIISKA WARARKA
DAYNIILE.COM