Muqdisho, 11-February-2025 Guddoomiyaha Gobolka Banaadir Ahna Duqa Magaalada Muqdisho Mudane Maxamed Axmed Amiir ayaa xalay xarunta aqalka Dowladda Hoose ee Xamar casha sharaf ugu sameeyay hal abuure Asad Xaajiyow iyo qaar badan oo kamid dhallinyarada saameeynta ku leh aaladaha ay bulshada kuwada xariirta ee Social Media.
Ujeedka munaasabadan ayaa aheyd mid uu Duqa Magaalada Muqdisho Mudane Amiir uu ku dhiiragalinayay hal-abuure Asad Xaajiyow oo si adag oo geesinimo leh uga gudbay dhibaatada ay u geesteen Khawaarijta, sidoo kale kulankan ayaa ahaa mid lagu xogwareysanayay dhallinyarada saameynta ku leh Social Media.
Advertisement
Guddoomiyaha Gobolka Banaadir Ahna Duqa Magaalada Muqdisho Mudane Maxamed Axmed Amiir ayaa tilmaamay in dhallinyarada saameeynta ku leh aaladaha ay bulshada kuwada xariirta ee Social Media ay door weyn ku lee yihiin soo gudbinta horumarka wanaagsan ee kajira Caasimadda.
-DHAMMAD-
Advertisement
