MUQDISHO (DAYNIILE.COM)-Wararka laga helaayo Degmada Dayniile ee Magaalada Muqdisho ayaa sheegaya in halkaasi goor dhaw lagu dilay laba ka tirsan dagaalamayaasha Alshabaab.
Ciidamada Booliiska kuwooda guur guura ee baara gaadiidka ayaa la soo sheegayaa inay labadaasi Alshabaab ku toogteen xaafada Ciise Cabdi xili ay ku jireen howl-maalmeedkooda baarista gaadiidka.
Labada Alshabaabka ahaa ee la dilay waxaa la sheegay inay wateen bistoolado islamarkaana ay iyagu weerar ku ahaayeen ciidamada Booliiska balse looga hor maray.
Dowlada oo war ka soo saartay ayaa sheegtay in alshabaab ay dileen uu doonayay weerar ka dhan ah ciidamada shaqada amniga ku jirey.
Warka Dowlada waxaa sidoo kale lagu sheegay inay dhanka ciidamada booliiska uu ka dhaawacmay hal askari,sidoo kale warka Dowlada waxaa lagu xusay inay meydadka soo bandhigeen.
XAFIISKA WARARKA
DAYNIILE.COM
Advertisement
