BOOSAASO (DAYNIILE.COM)-War xalay ka soo baxay Taliska ciidamada Puntland ee dagaalka kula jira kooxda Daacish ayaa shaaciyay inay 24-kii saac ee u dambeeyay so rideen ilaa lix diyaaradood oo nuuca Drons loo yaqaan ah.
Diyaaradahaan aan duuliyaha lahayn ee la soo riday wuxuu maamulka Puntland sheegay inay adeegsanayeen kooxda Daacish oo ay dagaal ka dhan ah ka wadaa buuraha Gobolka Bari.
Qoraal kooban oo xalay ka soo baxay Hawlgalka Ciribtirka Kooxaha Argagixisada ah ee Puntland ayaa lagu sheegay in Ciidamadu ay 24-kii saac ee u danbaysay ku guulaysteen in ay soo ridaan lix diyaaradood oo Dronesa, kuwaasi oo ay isku dayday in ay adeegsato kooxda Daacish.
“Ciidanku waxay 24-kii saac ee u danbeysay soo rideen 6-Drone oo Argagixisadu isku dayday in ay adeegsato” ayaa lagu yiri qoraalka Puntland ka soo baxay
Sidoo kale Howlgaka Puntland ugu magac dartay Ciribtirka Kooxaha Argagixisada ah ayaa sheegay inay ku guuleysteen fashilinta miinooyin wadooyinka ku aasnaa.
XAFIISKA WARARKA
DAYNIILE.COM
