Taliyaha Ciidanka Boliiska Soomaaliyeed Sarreeye Guuto Asad Cismaan Cabdullaahi ayaa maanta oo Jimce aheyd Xeebta Liido wakhti kula qaatay Shacabka Muqdisho oo maalmaha fasaxa u damaashaad taga Xeebtan.
Shacab iyo masuuliyiin kala duwan oo uu Taliyuhu Xeebta kula kulmay ayuu si farxadi ku dheehan tahay wakhti ula qaatay, waxaana uu shacabkii Xeebta u soo dalxiis tagey ku booriyey in Nabadooda ilaashadaan maadama Nabaddu fure u tahay Nolosha aadanaha.
Dhanka kale Taliyaha Ciidanka Boliiska Soomaaliyeed Sarreeye Guuto Asad Cismaan Cabdullaahi ayaa u daawasho tagey Ciyaar Kubadda Kolayga ah oo u dhaxeysay Naadiga Gabdhaha Heegaan iyo Naadiga Gabdhaha Elman oo ka dhacaysay Garoonka Kubadda Kolayga Wiish Degmada Cabdicasiis ee Gobalka Banaadir.
Daawashada ciyaartan ee Taliyaha ayaa salka ku haysay siduu dhiirigelin ugu sameyn lahaa Gabdhaha Kubadda Kolayga ee Heegan oo katirsan Ciidanka Boliiska Soomaaliyeed, waxaana mar walba ka go’an Taliyaha dhiirigelinta Dhalinyarada ee Dhinaca Ciyaaraha si kor loogu qaado is dhexgalka Bulshada iyo Boliiska.
Advertisement