Ciidamada Israel ayaa weli sii wada duqeymaha ay ku hayaan Qaza, iyagoo dilay ugu yaraan 16 falastiiniyiin ah waqooyiga go’doonsan, oo ay ku jiraan caruur iyo dhaqtar ka howlgala Isbitaalka Al-Ahli Arab.
Milateriga Israa’iil ayaa sidoo kale weeraray waxa ay ugu yeereen goobaha Xuutiyiinta Yemen, iyagoo dilay ugu yaraan sagaal qof kaddib markii ay duqeeyeen laba xarumo koronto oo ku yaalla Sanca, iyo sidoo kale labo dekedood iyo xarun shidaal oo ku taal Xudeyda, sida ay sheegtay warbaahinta gudaha.
Weerarada Israa’iil ay ku qaaday dalka Yemen ayaa yimid saacado kadib markii ay militerigeeda soo rideen gantaal laga soo riday dalkaasi.
Qaramada Midoobay ayaa sheegtay in Israa’iil ay mar kale diiday codsigeedii ahaa in ay gargaar u fidiso dadka gaajoonaya ee ku nool Beit Hanoon, Beit Lahiya iyo Jabalia, kuwaas oo ay Israa’iil go’doomin iyo go’doomin ku hayso in ka badan 70 maalmood.
Dagaalka Israa’iil ee Qaza waxa lagu dilay ugu yaraan 45,097 falastiiniyiin ah, waxaana ku dhaawacmay 107,244 tan iyo Oktoobar 7, 2023. Ugu yaraan 1,139 qof ayaa lagu dilay Israa’iil intii lagu jiray weerarradii ay Xamaas hoggaaminaysay maalintaas, in ka badan 200 oo qofna waa la qafaashay.
                         SOURCE ALJAZEERA
XAFIISKA WARARKA
DAYNIILE.COM
