DHOOBLEEY (DAYNIILE.COM)- Sida ay barahooda bulshada ku shaaciyeen taliska howlgalka ATMIS Khamiistii shalay waxaa kulan ciyaareed kubada cagta ah uu ku dhexmaray Magaalada Dhoobleey ee Gobolka Jubada hoose Ciidamada Atmis gaar ahaan kuwa Kenya iyo dhalinyarada Soomaaliyeed ee Magaaladaasi .
Ciyaarta oo ahayd mid xamaasad leh aadna u kululeyd islamarkaana ahayd mid saaxiibtinimo ayaa ku soo dhamaatay 6 iyo 3.
Ciyaartoyda Soomaaliyeed ee martida loo ahaa ayaa ugu dambeyn guushu raacday markii la is hardiyay oo 90 daqiiqana la is maquuniyay.
Inta badan ciidamada Atmis ayaa magaalooyinka ay ka joogaan Soomaaliya waxay ciyaaro saaxiibtinimo la yeeshaan kooxaha Soomaalida ee Magaalooyinkaasi ka dhisan waxaana inta badan guushu raacdaa Soomaalida.
XAFIISKA WARARKA
DAYNIILE.COM 
