Wasiirka Arrimaha Dibadda iyo Iskaashiga Caalamiga ah ee Soomaaliya, Danjire Axmed Macallin Fiqi, ayaa qadka taleefanka ugu hambalyeeyey Wasiirka cusub ee Arrimaha Dibadda Suudaan.
Muqdisho, Soomaaliya – 6,Nofeembar, 2024. Danjire Axmed Macallin Fiqi, Wasiirka Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya, ayaa dhawaan qadka taleefanka hambalyo diirran ugu diray Dr Cali Yuusuf Axmed, oo ah Wasiirka cusub ee Arrimaha Dibadda Jamhuuriyadda Suudaan.
Wasiir Fiqi ayaa Dr Axmed u rajeeyay guul ku aaddan xilka cusub, isagoo hoosta ka xariiqay inay muhiimtahay xoojinta iskaashiga Soomaaliya iyo Suudaan.
Labada wasiir waxay dib u xaqiijiyeen ballan-qaadkooda ku aaddan xoojinta xiriirka taariikhiga ah iyo walaaltinnimada ku dhexeysan ee Soomaaliya iyo Suudaan, iyagoo isku raacay inay sii horumariyaan iskaashiga dhinacyada diblomaasiyadda, dhaqaalaha, iyo dadaallada xasilloonida gobolka ee ku qotoma danaha wadajirka ah ee labada wadan.
Advertisement
