War lagu shaaciyay barta Facebook ee Atmis lagu shaaciyay in Boliiska Midowga Afrika ee magaca Atmis ku jooga ay tababar siiyeen qaar ka mida saraakiisha Booliiska Somalia.
Tababarka ayaa ku saabsana sida Atmis sheegtay baaritaannada goobaha fal-dambiyeedka iyo qaadista faraha.
Sidoo kale Atmis waxay warkooda ku xuseen in saraakiisha ay tababarka siiyeen ay ku kala sugan yihiin Dawlad Goboleedyada dalka Somalia, Tababarradan ayaa qeyb ka ah dadaallada sare loogu qaadayo xirfadaha booliiska ku sugan maamul Goboleedyaa taasoo la xiriira la tacaalista iyo baarista dambiyada.
Maalin ka hor ayay ahayd markii taliska Atmis uu shaaciyay inay Booliska Somalia siiyeen agab kala duwan sida matoorada dabka dhaliya, qalabka wax lagu daabaco, iyo biraha calaamadaha u ah marka la staajinayo gaadiidka ee Stop-tu ku qoran tahay.
XAFIISKA WARARKA
DAYNIILE.COM
