MUQDISHO (DAYNIILE.COM)-Maanta waxaa ka dhacay suuqa Bakaaraha ee Magaalada Muqdisho sheeko cajiib ah markii Alshabaab ugaarsi ku jirey isagii la sii ugaarsaday ka hor intuusan waxba sameyn.
Dagaalame ka tirsan kooxda Alshabaab oo ahaa wiil caato ah afkuna facemask ugu xiran yahay ayaa mar kaliya suuqa bakaaraha gaar ahaan meel shaaha lagu cabo soo fadhiistay xili uu bistooladuna u qarsan tahay, wuxuu qorsheynayay inuu nin ganacsade ah dilo.
Ciidamo ka tirsan Nabad sugida Qaranka oo kor kala socday ama fariin si hoose loogu dusiyay ayaa daba-gal degde deg ah ku sameeyay islamarkaana waxay soo qaateen gaari Surf ah oo muraayado beenala leh si aan ciidanka loo arkin.
Gaariga ayaa lagu soo ag baakimay halkii uu fadhiyay ninki Alshabaaa ahaa si xirfadeysan oo degde ah ayayna uga soo daateen gaariga iyagoo qorya wata islamarkaana waxay abaareen ninkii alshabaabka ahaa isagana wuu feejignaa bistooladiisana degdeg ayuu ula soo baxay laakiin markii xabad uu ridi magay ayay ka kadibtay kadibna markiiba ciidamadu iyagoon dilin ayay gacanta ku dhigeen.
Dhanka kale war Dowladu uga hadashay ninkaan la qabtay ayay ku shaacisay inuu ka mid ahaa shabakad Muqdisho dilal ka fulin jirtay.
XAFIISKA WARARKA
DAYNIILE.COM
