BOORAMA (DAYNIILE.COM)-Waxaa aad u sii xoogeysanaya tartanka madaxtinimo ee u dhexeysa Xisbiga hada talada haya Maamulka Somaliland ee Kulmiye iyo Xisbiga mucaaradka ee Wadani madaama doorashadii ay soo dhawaatay.
Xisbiga talada haya waxay wataan madaxweynaha Somaliland Muuse Biixi halka xisbiga doonaya inuu xukunka kala wareego ee Wadani ay iyaguna wataan musharaxa weyn C/raxmaan Cirro.
Hadaba saacadihii ugu danbeeyay labada Xisbi ayaa soo soo bandhigayay awoodooda dhanka taagerayaasha madaama doorashadu tahay qof iyo cod.
Shalay galab Xisbiga wadani ayaa cudud taageerayaal wuxuu ku soo bandhigay Magaalada Boorame sidoo kale Ceeri-gaabo ayay isku muujiyeen, waxaana socday oo shacabku aad u soo dhaweeyeen Musharaxa xilka Madaxweynaha Maamulka sheegta inuu ka go’ay Soomaaliya inteeda kale ee Somaliland C/raxmaan Ciro kaasoo ah musharax taageerayaal aad u badan ku leh Somaliland macquulna ay tahay inuu sanadkaani kursiga kala wareego Muuse Biixi oo hada ku fadhiya.
Dhanka kale Xisbiga talada haya ee Kulmiye ayaa iyaguna is muujiyay marka la eego sida ay u leeyihiin taageerayaal aan ka dhicin kuwa wadani.
Sawirada waxaana ka soo xiganay universal TV.
XAFIISKA WARARKA
DAYNIILE.COM
