Taangiyada Israa’iil ayaa duqeeyay isbitaalka Kamaal Adwan ee waqooyiga Qaza waxaana ay xarunta ku rideen rasaasta qoryaha darandooriga u dhaca ah iyadoo ay joogsadeen qalliinnada nafaha lagu badbaadinayo ka dib markii ay ciidamadu xireen inta badan dhakhaatiirta.
Ugu yaraan 17 falastiiniyiin ah ayaa lagu dilay, oo uu ku jiro ilmo 11 bilood jir ah, 42 kalena waa lagu dhaawacay weerar ay Israa’iil ku qaadday xarun dugsi oo ku taal xerada Nuseirat ee bartamaha Gaza.
Ciidamada Israel ayaa 24-kii saac ee lasoo dhaafay ku dilay dalka Lubnaan ugu yaraan 19 qof, taasoo tirada guud ee dhimashada tan iyo markii uu dagaalka bilowday ka dhigaysa 2,593 qof.
Xafiiska warbaahinta ee xukuumadda Gaza ayaa sheegay in in ka badan 770 falastiiniyiin ah la dilay 1,000 kalena ay dhaawacmeen iyadoo weerarka milatariga Israa’iil ay ku qaadeen Jabalia iyo go’doominta waqooyiga Gaza uu galay maalintii 20-aad.
Gaza, ugu yaraan 42,847 qof ayaa lagu dilay 100,544 kalena waa lagu dhaawacay weerarrada Israa’iil tan iyo 7-dii Oktoobar, 2023. Qiyaastii 1,139 qof ayaa lagu dilay Israa’iil intii ay socdeen weerarrada ay Xamaas hormuudka ka tahay in ka badan 200 oo maxaabiis ah.
XAFIISKA WARARKA
DAYNIILE.COM
