KAMPALA (DAYNIILE.COM)-Wararka laga helaayo Dalka Uganda ayaa sheegaya in Ciidamada Booliiska ay gacanta ku dhigeen nin dalkaasi u dhashay oo watay qalfoofta madaxa bani’aadamka waxayna u dhaadhiciyeen xabsiga.
Ninkaan oo watay 24 qalfoofta madaxa bani’aadamka ah markii la qabanayay ayaa baaritaankii lagu sameeyay waxaa ka soo baxday inuu yahay Nin wax ku daweeya daw-dhaqameed sidaas daraadeedna uu doonayay inuu qalfoofta u adeegsado wax-yaabo quraafaad ah.
Afhayeen u hadlay booliiska Uganda oo lagu magacaabo Patrick Onyango ayaa saxaafada u sheegay in ninkaani ay talaabo adag ka qaadi doonaan.
Af-hayeenka wuxuu xusat inay macquul tahay in ninkaan la qabtay oo lagu magacaabao Ddamulira Godfrey lagu xukumo xabsi daa’im sida bbc-du soo xigatay.
Sidoo kale kaniisad uu joogo ninkaan oo ku taalla magaalada Kampala ee caasimada Uganda ayaa waxaa laga helay Haraadiga xayawaanka iyo maqaarkooda.
XAFIISKA WARARKA
DAYNIILE.COM
