ADIS-ABABA (DAYNIILE.COM)-Dowladda Soomaaliya ayaa shaacisay in shirkadda diyaaradaha ee Ethiopian Airline ay ogolaatay inay beddesho bogeeda tigidhada laga goosto kaasoo hore maamulka Somaliland u aqoonsanaa Dowlad ahaan.
Hay’adda duulista rayidka ah ee Soomaaliya ayaa xaqiijisay inay shirkadaani saxday qaladkeedii islaarkaana tikidhadeeda ku cadeysay in Hargeysa ay ka mid tahay qaranka Soomaaliya.
Agaasimaha waaxda warfaafinta iyo xidhiidhka dadweynaha ee Wasaaradda Gaadiidka iyo duulista Rayidka Maxamed Cabdi Cismaan (Faradheere) ayaa sidoo kale mar uu u waramayay BBC-da cadeeyay in shirkada diyaaradaha Ethiopian Airlines isa saxday kadib markii Dowlada Somalia sida ka dalbatay.
Masuulkaani wuxuu intaasi ku daray in Shirkadda ay xiriir la soo sameysay wasaaradda iyo hay’adda duulista rayidka Soomaaliya ayna wax kasta isla garteen.
Wasaaradda gaadiidka iyo hay’adda duulista rayidka Itoobiya ayaa labaduba xaqiijiyeen inay qaladkooda saxeen kadib codsi kaga yimid dhanka Dowlada Somalia
XAFIISKA WARARKA
DAYNIILE.COM
