Israa’iil ayaa soo saartay amaro cusub oo daadgureynta ah ee koonfurta Gaza, iyadoo la geynaayo meelaha ay markii hore u qoondaysay kuwaasoo ay ku sheegeen aag nabdoon oo bini’aadantinimo.
Al-Mawasi, oo sidoo kale loogu yeero aagga nabdoon ee Israa’iil, ayaa lagu garaacay duqeymo, halkaas oo ay ku dileen laba Falastiiniyiin ah.
Iyadoo wadahadalo xabbad joojin ah ay maanta ka socdaan magaalada Doha ee dalka Qatar, afhayeenka Xamaas ayaa sheegay in kooxdu aysan weli jawaab wanaagsan ka helin Israa’iil.
Qaramada Midoobay ayaa codsatay in todobo maalmood la hakiyo colaadaha Gaza si loogu maamulo tallaalka dabeysha 640,000 oo carruur ah oo ku sugan Marinka.
Ugu yaraan 40,005 qof ayaa lagu dilay 92,401 kalena waa lagu dhaawacay dagaalka Israa’iil ee Gaza. Qiyaastii 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay ee dhacay 7-dii October in ka badan 200 oo qofna waa la qafaashay.
XAFIISKA WARARKA
DAYNIILE.COM
