MUQDISHO (DAYNIILE.COM)-Ugaaska Beesha Muddulood ayaa qaadacay sharci shalay ay meel mariyeen Wasiirada Somalia gaar ahaan qodobada qeexaya habka loo marayo saamiga matalaad ee Caasimadda Muqdisho.
Ugaaska Beesha Muddulood wuxuu xusay in dadka asal ahaan u dhashay caasimada Muqdisho ay shir ka yeelan doonaan aayahooda islamarkana aysan ku qanacsaneyn sida hada wasiiradu wax u dhigeen.
Ugaaska wuxuu si cad u sheegay inay dhanka xuquuqda kala sinaan doonaan dhamaan maamul goboleedyada kale.
Sharciii shalay ay meel mariyeen Wasiirada waxaa ku jiray in Magaala Muqdisho ay yeelaneyso Gole ka kooban 49 xubnood iyo Duqa Caasimadda iyo Kuxigeenkiisa.
Golahaan waxay si qarsoodi ah usoo dooran doonaan cod biyeyaasha diiwaan gishan (Vote Registration),sidoo kale
lama yaqaan sida Dowladu uga jawaabi doonto warka Ugaaska iypo go’aanka uu qaatay Ugaaska beesha Muddulood.
XAFIISKA WARARKA
DAYNIILE.COM
