GAALKACYO (DAYNIILE.COM)-Warar soo baxaya ayaa sheegaya in koox Alshabab ka tirsanaa oo dilal iyo xabsi daa’in ku xukunaa ay ka baxsadeen xabsiga Magaalada Gaalkacyo dhanka Maamulka Puntland.
Kooxdaan Alshabaab-ka ah oo qaarkood muuqaalo hore looga daawaday iyagoo qiranaya dilal ay shacab iyo masuuliyiin u gaysteen ayaa tiradooda lagu sheegay 12 ruux.
Ciidamada Booliiska oo daba-gal ku sameeyay kooxdaan qatarta ah ee baxsatay ayaa dib u soo qabatay 9 ka mida halka wali la’ yahay 3 kale kuwaasoo ciidamadu baadi goobayaan.
Wararku waxay tilmaamayaan Alshabaab-kaan fursad ka heleen xabsiga sidaasna u baxsadeen inkastoo badankood dib loo soo qabtay.
Saraakiisha Xabsiga maamuleysay wali kama hadlin dhacdadaan ay ku baxsadeen maxaabiiska kooxda Alshabab ee badankood dilalka ku xukunaa.
XAFIISKA WARARKA
DAYNIILE.COM
