QAZA (DAYNIILE.COM)-Wasaaradda caafimaadka ee Gaza ayaa sheegtay in 28 qof lagu dilay maalintii ugu dambeysay weerarrada Israa’iil ay ku qaaday marinka Gaza, iyadoo ay ciidamadu sii wadaan duullaanka ay ku hayaan Nuseirat iyo magaalada Gaza.
Weerar ay Israa’iil ku qaadday magaalada Tire oo ah magaalo weyn oo ku taalla koonfurta Lubnaan ayaa lagu dilay taliye ka tirsan ururka Xisbullah.
Weerarka cirka ee Israel ayaa dilay 12 falastiiniyiin ah, oo ay ku jiraan sagaal xubnood oo qoys ah, meel loo qoondeeyay “aag nabdoon” ka dib markii ay raaceen amarrada daadgureynta Israel ee ah inay ka baxaan bariga Khan Younis.
Qaramada Midoobay ayaa ku qiyaastay in ilaa 250,000 oo qof uu saameeyay amarka milatari ee Israel ee ah in dadku ay ka baxaan aagagga u dhow magaalada koonfureed ee Khan Younis iyada oo tirada guud ee dadka ku barokacay Gaza lagu qiyaasay inay gaadhay 1.9 milyan.
Ugu yaraan 37,953 qof ayaa lagu dilay 87,266 kalena waa lagu dhaawacay dagaalka Israa’iil ee Gaza tan iyo 7-dii October.
XAFIISKA WARARKA
DAYNIILE.COM
