Siyaasiga caaanka ah Xildhibaan C/raxmaan C/shukuur Warsame ayaa qoraal uu ku soo bandhigay bogiisa Internetkla wuxuu aad ugu dhaliilay Sheekh Cali Wajiis oo ka mida Culumada caanka ka ah Soomaaliya islamarkaana madaxtooyada Villa Somalia la shaqeeya.
C/raxman C/shukuur wuxuu ku eedeeyay shiikh Cali Wajiis inuu ku dhacay laba danbi waa weyn kuwaasoo uu ku sharaxay bartiisa facebook waxayna u qorneyd sidan:-
Waagii aan Naxwaha baran jirnay ayaa kitaabka Alfiyatu Ibnu Maalik, waxay culimada ka sheegi jireen in Sheekha markuu alifayey ee uu marayo tuducda فائقة الفية إبن المعطي “Way ka sarraysaa Alfiyadi Ibnu Mucdhi” ayey ka istaagtay. Ibnu Mucdhi wuxuu ahaa Sheekh hortii geeriyooday oo Kitaab Naxwaxaha alifay.
Ibnu Maalik ayaa riyada ku arkay Ibnu Mucdhi, kolkaa buu ku yiri; Ibni Maalik waan ogahay in ay kaa istaagtay Alfiyadii ee anigaa kuu furayee, waxaa tiraa والحي يغلب الف ميت “oo ah ruux nool kun dhimatay wuu ka adagyahay” taaoo uu ula jeedo, haddii aan noolaan lahaa sidaa ima tiraahdeen.
Hadda Sheekh Cali Wajiis markii uu dadkii noolaa kula dhici waayey ayuu AUN saaxibkeey Eng C/raxmaan Cumar Cismaan Yariisow u saariyey isku day eed qabuuro faagis ah.
