MUQDISHO (DAYNIILE.COM)-Wararka aan goor dhaw oo caaws heleyno ayaa sheegaya in is rasaaseyn ay dhexmartay Ciidamo ka wada tirsan Dowlada Somalia.
Dagaalkaan oo dhex-maray kuwa nabad sugida iyo sirdoonka NISA iyo Milateriga ayaa ka dhacay bar koontarool oo ku taal Degmada Yaaaqshiid ee Magaalada Muqdisho gaar ahaana nawaaxiga Isgoyska Sanca.
Dagaalkaan wuxuu sababay dhimashada 3 ruux oo 2 yihiin ciidamadii dagaalamayay halka qofka 3-aad uu yahay shacab.
Sidoo kale waxaa ku dhaawacmay 3 shacaba madaama bar koontaroolku ku yaalay xaafada dhexdeeda,waxaana la gaarsiiyay goobaha caafimaadka.
Wali ma kala cada labada ciidan kan rasaasta bilaabay balse waxaa la ogyahay in ciidamada nabad sugida qaranka ee NISA gaar ahaan kuwa dhar-cadka ay xaafadaha dhexdooda amniga ka sugaan iyagoo koox koox u fadhiya gudaha xaafadaha Muqdisho.
XAFIISKA WARARKA
DAYNIILE.COM
