ANKARA (DAYNIILE.COM)-Labada Dowladood ee Somalia iyo Turkey oo hore heshiisyo shidaal baais ah u kala saxiixday ayaa mar kale heshiis cusub oo isla shidaal baarista ah waxay maanta ku kala saxiixdeen Magaalada Ankara ee dalka Turkiga.
Heshiiska waxaa kala saxiixday Wasiirka Batroolka Somalia Daahir Shire Maxamed iyo dhigiisa dalka Turkey Alparslan Bayraktar.
Wasiirka Wasaaradda Batroolka iyo Macdanta Xukuumadda Fedaraalka Soomaaliya Daahir Shire Maxamed ayaa maanta heshiis muhiim ah kula saxiixday magaalada Ankara ee dalka Turkiga dhigiisa dalkaas Wasiirka Tamarta iyo Kheyraadka Dabiiciga ah ee Turkiga Alparslan Bayraktar.
Heshiiskaan ayaa lagu xoojinatyaa iskaashiga dhanka tamarta ee labada dal,waxaana ka mida heshiiska cusub in beri ama dhulka Somalia laga sameeyo baarista shidaalka Somalia.
“si la mid ah sahmintii shidaalka ee Badda lagu sameeyay ayaa hadana looga sameynayaa Beriga”ayuu yiri Wasiirka shidaalka Somalia
Sidoo kale Wasiirka oo la hadlayay TV-ga qaranka ayaa intaasi ku daray in sahminta dhanka Badda Somalia ee hore u socotay natiijadeeda la heli doono wixii ka dambeeya bisha May
“Sahmintii shidaalka ee Turkigu ka waday Badda meel wanaagsan ayay mareysaa waxaana go’aanada rasmiga ah ee baarista sahminta shidaalka badda la heli doona bisha danbe wixii ka dambeeya” ayuu yiri Wasiir Shidaalka ee Somalia.
XAFIISKA WARARKA
DAYNIILE.COM
